- Este venres 28 de abril ás 23.30h en La Clave Eventos de Monterroso, terá lugar a presentación do disco “Diáspora” do artista lucense Xabier Vizcaíno
- Recentemente presentou o videoclip do tema principal: Serendipia, rodado integramente na Terra Brava, O Incio.
- Monterroso é a terceira parada dun tour que percorrerá diferentes cidades e vilas galegas: Ourense, Melide, Vigo, Santiago e Ferrol serán algunhas delas.
O venres 28 de abril ás 23.30h en La Clave Eventos preséntase o disco Diáspora, o novo álbume de Xabier Vizcaíno, cantante e compositor d´O Incio. Tralo seu último traballo: Alas de papel, o artista volve cun novo traballo de estudio con temas en galego e castelán, destacando cancións coidadas, con estilos rock, folk, pop e indie e con innumerábeis colaboracións estelares no seu disco.
Vizcaíno chega á escena musical española co seu primeiro traballo de estudo: Alas de Papel (2014), un disco maduro, caracterizado por son e estilo propio. Dez cancións de puño e letra, acenos da súa identidade como cantor e autor galego, forman un álbum eléctrico con tinguiduras acústicas. A fins de 2012 embarcouse nunha xira por Colombia, Perú, Bolivia, Chile, Arxentina, Uruguai e Brasil. A mediados de 2013 comeza as sesións de gravación de Ás de Papel, contando coa colaboración de músicos Tito Calviño, Roi Maceda, Alfredo González, Simón L.Caldeiro, Lucía Pérez e Martín Retrovan. Durante 2015 continuou presentando o disco por diferentes escenarios da xeografía española, destacando o cheo total do Teatro Principal de Santiago, como así tamén visitando os medios nacionais máis importantes de comunicación, ademais de colaborar en estudo e en vivo con diferentes artistas. Proximamente estará en Monterroso o sábado 28 de abril, e no Liceo de Ourense o venres 5 de maio, á espera de máis datas por confirmar.
O concerto de presentación conta coa colaboración de La Clave Eventos e a produtora Abella Creativa.