SINOPSE

MATRIA é unha curtametraxe sobre unha heroína cotiá defectuosa. Sempre cos pés na terra, a intención é a de documentar a súa realidade baixo a ilusión da ficción. Unha realidade tráxica que non ten un aparente final na película, pois MATRIA é unha traxedia contínua gravada con lume na cotidianidade e a rutina. Ramona, a protagonista, está soa e o contexto non lle favorece, pero non perde a esperanza, que reside na súa propia determinación e dignidade, e no amor que lle une á súa familia. MATRIA, se pretende algo, é ser unha película humanista, e non hai humanidade sen esperanza.