v gala contra o cancro de ourense

Presentación oficial da V Gala contra o Cancro de Ourense


Máis solidariedade para celebrar o quinto aniversario da Gala contra o cancro de Ourense

  • O evento terá lugar o vindeiro sábado 2 de decembro ás 20.30h no Auditorio Municipal de Ourense coas actuacións de O Sonoro Maxín, Miguel Arias, Xestreu, o Mago Marco e os grupos de danza Nati Freta-Coppelia e Moovett.
  • A gala será presentada por Rubén Riós e Xacobe Bruña.
  • O auditorio de Ourense volverá acoller este evento solidario tras o últimas catro edicións que recadaron máis de 20.000 €
  • Na presentación oficial desta quinta edición, esta mañá no Hotel NH Ourense, participaron María Isidora Gómez (presidenta de AECC Ourense), David Rodríguez (Presidente da Asociación Cultural Xuvenil As Canellas e organizador do evento) e Rubén Riós (presentador da gala)
  • Os fondos recadados irán destinados integramente á Asociación Española contra o Cancro de Ourense.

A Gala contra o Cancro de Ourense volve este ano para celebrar a súa quinta edición. Tras catro anos enchendo o auditorio municipal, esta cita solidaria leva durante catro anos enchendo as butacas do Auditorio Municipal, reunindo a referentes do mundo da música, a danza, o humor e a interpretación. Despois de recibir a artistas como Susana Seivane, Lucía Pérez, Emilio Rúa, Daniel Minimalia, Luís Emilio Batallán, Rosa Cedrón, Guadi Galego, Xosé Manuel Budiño, Lys Pardo e Xabier Biscaíño entre moitos outros, este ano, a celebración terá lugar o sábado 2 de decembro no Auditorio da cidade.
Os mestres de cerimonias serán Rubén Riós – actor e empresario ourensán, presentador nas anteriores galas e coorganizador da cita a través do programa de responsabilidade social da súa produtora Claqueta Coqueta- e Xacobe Bruña -nova promesa do espectáculo-, que amenizarán a gala con elocuentes e divertidas intervencións que darán paso aos artistas da gala.

As declaracións dos organizadores da V Gala contra o Cancro

Na presentación de hoxe, María Isidora Gómez, a presidenta da Asociación Española contra o Cancro de Ourense, expuxo a importancia deste evento para a asociación, o traballo e tarefas desempeñadas ao longo do ano pola Asociación e a importancia da captación de novos socios para continuar avanzando nas novas liñas de investigación. Pola súa banda, David Rodríguez, organizador do evento, expresou os agradecementos a todos os membros do equipo de Organización, os patrocinadores e por suposto, aos artistas que conforman o cartel desta edición. Os artistas desta edición son Ou Sonoro Maxín, banda de música ourensá  que compartiu escenario con grandes da música como Manu Chao ou Os Delinqüentes, presentará cancións do seu novo álbum ?Sete Dezasete?, un disco que celebra o décimo aniversario da creación da banda. A música correrá polas veas dos asistentes tamén da man de Miguel Arias, un músico e cantante ourensán cunha traxectoria imparable que interpretou a música de artistas de talla internacional como Robbie Williams, Pablo Alborán ou Lorena Gil. En representación da música tradicional, As Xestreu, grupo de 5 pandereteiras da provincia, sorprenderán co seu novo álbum ?Non tóquesme a saia? e xa estiveron presentes en edicións anteriores acompañando a Emilio Rúa. Por primeira vez neste evento, preséntase un espectáculo de maxia da man dun artista de dilatada experiencia como o Meigo Marco. A danza estará presente a través da Escola de Danza Nati Freta-Coppelia e o Centro Deportivo Moovett que presentará perfomances e coreografías orixinais e xenuínas.
Finalmente, Rubén Riós, presentador do evento durante cinco anos, destacou a importancia da organización de eventos solidarios e tamén a importancia da resposta que tiveron os ourensáns ante a celebración desta gala.

Entradas xa á venda. Quedan disponibles últimas unidades

As entradas para a gala continúan dispoñibles á venda anticipada en diferentes puntos da cidade: AECC OURENSE (Curros Enriquez, 26), Despacho Voluntariado AECC no CHOU (Complexo Hospitalario Ourense), Kiosko Marcos (Rúa Bedoya), Centro Deportivo Moovett (Rúa Avilés de Taramancos), Escola de Danza Nati Freta- Coppelia (Rúa Curros Enriquez), Motorcycles Shop (Rúa San Francisco), Prink Ourense (Avenida da Habana), O Segredo De Sara (Avenida Celanova, A Valenzá), Matíz Instrumentos Musicais (Avenida de Zamora), Osi Gourmet (Rúa Ramón Cabanillas). Panadaría Roberto (Seixalbo), Casa Toñita (Rúa San Miguel), Trampitán (Praza Maior) e Audífonos Widex (Rúa do Paseo).

As entradas teñen un custo de 5 € anticipada e de 8 € no despacho de billetes. Este evento ademais conta co patrocinio do Concello de Ourense, a Deputación de Ourense, Abanca, Grupo Cuevas, Grupo Academia Postal, Prink, Aural Centros Auditivos Profesionais, Pablo Enrique, Coasa e Pérez Rumbao; a colaboración de 20 de Vyrras, Adegas Galegas, Pily Reñones, Osi Gourmet, Coren, Centro Coppelia Escola de Danza, Abella Creativa, QM Estilistas, Moovett Centro Deportivo, Aleuto Medios Dixitais e NH Ourense.

Deixar un Comentario

O teu enderezo electrónico non se publicará Os campos obrigatorios están marcados con *