Vizcaíno presenta Diáspora no Incio

• Este domingo 20 de agosto ás 20.00h na Praza do Concello de O Incio, terá lugar a presentación do disco “Diáspora” do artista lucense Xabier Vizcaíno
• O Incio é a décima parada dun tour que percorreu diferentes cidades e vilas galegas: Monterroso, A Coruña, Ourense, Melide, Vigo, O Grove, Sarria, Lugo e agora chega a súa vila natal.

O domingo 20 de agosto ás 20.00h na Praza do Concello do Incio preséntase o disco Diáspora, o novo álbume de Xabier Vizcaíno, cantante e compositor d´O Incio. Tralo seu último traballo: Alas de papel, o artista volve cun novo traballo de estudio con temas en galego e castelán, destacando cancións coidadas, con estilos rock, folk, pop e indie e con innumerábeis colaboracións estelares no seu disco.

Vizcaíno chega á escena musical española co seu primeiro traballo de estudo: Alas de Papel (2014), un disco maduro, caracterizado por son e estilo propio. Dez cancións de puño e letra, acenos da súa identidade como cantor e autor galego, forman un álbum eléctrico con tinguiduras acústicas. A fins de 2012 embarcouse nunha xira por Colombia, Perú, Bolivia, Chile, Arxentina, Uruguai e Brasil. A mediados de 2013 comeza as sesións de gravación de Ás de Papel, contando coa colaboración de  músicos Tito Calviño, Roi Maceda, Alfredo González, Simón L.Caldeiro, Lucía Pérez e Martín Retrovan. Durante 2015 continuou presentando o disco por diferentes escenarios da xeografía española, destacando o cheo total do Teatro Principal de Santiago, como así tamén visitando os medios nacionais máis importantes de comunicación, ademais de colaborar en estudo e en vivo con diferentes artistas.