Gira Diáspora Vizcaíno

Vizcaíno ofrece un novo concerto na Sala Fundación de Melide


Xabier Vizcaíno presenta a súa xira do novo disco Diáspora

Vizcaíno presenta novo disco na Sala A Fundación de Melide

  • Este venres 19 de maio ás 23.00h na Sala A Fundación de Melide, terá lugar a presentación do disco “Diáspora” do artista lucense Xabier Vizcaíno
  • Melide é a cuarta parada dun tour que percorrerá diferentes cidades e vilas galegas: Lugo, Vigo, Santiago e Ferrol serán algunhas delas.

O venres 19 de maio ás 23.00h na Sala A Fundación de Melide preséntase o disco Diáspora, o novo álbume de Xabier Vizcaíno, cantante e compositor d´O Incio. Tralo seu último traballo: Alas de papel, o artista volve cun novo traballo de estudio con temas en galego e castelán, destacando cancións coidadas, con estilos rock, folk, pop e indie e con innumerábeis colaboracións estelares no seu disco.

Vizcaíno chega á escena musical española co seu primeiro traballo de estudo: Alas de Papel (2014), un disco maduro, caracterizado por son e estilo propio. Dez cancións de puño e letra, acenos da súa identidade como cantor e autor galego, forman un álbum eléctrico con tinguiduras acústicas. A fins de 2012 embarcouse nunha xira por Colombia, Perú, Bolivia, Chile, Arxentina, Uruguai e Brasil. A mediados de 2013 comeza as sesións de gravación de Ás de Papel, contando coa colaboración de músicos Tito Calviño, Roi Maceda, Alfredo González, Simón L.Caldeiro, Lucía Pérez e Martín Retrovan. Durante 2015 continuou presentando o disco por diferentes escenarios da xeografía española, destacando o cheo total do Teatro Principal de Santiago, como así tamén visitando os medios nacionais máis importantes de comunicación, ademais de colaborar en estudo e en vivo con diferentes artistas. Proximamente estará en Lugo o venres 26 e o venres 2 de xuño en Vigo, á espera de máis datas por confirmar.

Deixar un Comentario

O teu enderezo electrónico non se publicará Os campos obrigatorios están marcados con *