Xabier Vizcaíno continúa de xira por Galicia presentando o disco Diáspora, desta vez na Coruña
- Este sábado 22 de abril ás 22.00h no Baba Bar de A Coruña, Xabier Vizcaíno presenta as cancións do novo disco «Diáspora».
- Recentemente presentou o videoclip do tema principal: Serendipia, rodado integramente na Terra Brava, O Incio.
- Sarria foi a primeira parada e A Coruña a segunda dun tour que percorrerá diferentes cidades e vilas galegas como Ourense, Santiago de Compostela, Monforte, Pontevedra e Vigo.
O sábado 22 de abril ás 22.00h no Baba Bar preséntase o disco Diáspora, o novo álbume de Xabier Vizcaíno, cantante e compositor d´O Incio. Tralo seu último traballo: Alas de papel, o artista volve cun novo traballo de estudio con temas en galego e castelán, destacando cancións coidadas, con estilos rock, folk, pop e indie e con innumerábeis colaboracións estelares no seu disco.
Vizcaíno chega á escena musical española co seu primeiro traballo de estudo: Alas de Papel (2014), un disco maduro, caracterizado por son e estilo propio. Dez cancións de puño e letra, acenos da súa identidade como cantor e autor galego, forman un álbum eléctrico con tinguiduras acústicas. A fins de 2012 embarcouse nunha xira por Colombia, Perú, Bolivia, Chile, Arxentina, Uruguai e Brasil. A mediados de 2013 comeza as sesións de gravación de Ás de Papel, contando coa colaboración de músicos Tito Calviño, Roi Maceda, Alfredo González, Simón L.Caldeiro, Lucía Pérez e Martín Retrovan. Durante 2015 continuou presentando o disco por diferentes escenarios da xeografía española, destacando o cheo total do Teatro Principal de Santiago, como así tamén visitando os medios nacionais máis importantes de comunicación, ademais de colaborar en estudo e en vivo con diferentes artistas. Próximamente, Xabier Vizcaíno estará tamén no Liceo de Ourense, continuando coa súa xira «Diáspora».
Este concerto conta coa colaboración de Baba Bar e a produtora Abella Creativa.