Ducias de asistentes estiveron presentes na primeira sesión de Ficciónate na Illa de Arousa
Representantes dos 4 filmes estiveron presentes na posterior charla-coloquio que quixeron compartir cos espectadores:
- Illa Pedra: Lara Dopazo (poetisa) e María Lalín (directora de produción)
- Curricán: Álvaro Gago (director), Alberto Gago (produtor) e Javier Fernández (actor)
- Einstein-Rosen: Juan Galiñanes (produtor), Teo e Óscar Galiñanes (protagonistas)
- Superpunky, el Musical: Pablo Cacheda (director e produtor executivo)
Fantástica acollida e interese mediático pola iniciativa
Foron múltiples as entrevistas, reportaxes e artigos referentes en diferentes medios de comunicación que quixeron facerse eco da noticia: La Voz de Galicia, Diario de Pontevedra, Faro de Vigo, Radio Arousa, PontevedraViva, Cinema Galego, El Mundo, El Periódico… Unha cobertura e apoio que influiu e notouse de cara a afluencia de público, que segundo estiman dende a Organización do Auditorio da Illa, supera con creces a media de asistentes ós espectáculos.
Especial lembranza ó actor Mateo González
Previamente a comezar a presentación do ciclo, os organizadores coñeceron a noticia de que o compañeiro Mateo González, falecera traxicamente na cidade da Coruña, polo que decidiron adicarlle esta primeira sesión de cinema ó recentemente desaparecido.
Trala ración de cinema, ración de produtos galegos combinando gastronomía e cine
Posterior ó coloquio tras unha hora de cinema, os asistentes puideron desfrutar no Bar Mexillón da Illa de Arousa, dun cocktail-aperitivo con produtos galegos: embutidos Casa Neiras, Queixo Pazo de Anzuxao, Viños da Adega Terra Brava, empanadas e tartas de Ingapan e augas Fontecelta.